Флорида Пантерс беа убедливи во текот на целата регуларна сезона и го загарантира првото место во Источната конференција.
Сепак, на последниот натпревар, ,,Пантерите” беа во потполност декласирани од Монтреал Канадиенс со убедливи 10-2.
Единствени голгетери за Флорида беа Бен Кјарот и Ноел Ачари, кои погодија за 4-1, односно за поставување на конечниот резултат.
На спротивната страна, во листата на стрелците се запишаа осум различни хокеари.
Од нив, хет-трик постигна Кол Кофилд, а по еднаш реализираа Џордан Херис, Мајк Хофман, Брендан Галагер, Матје Перо, Џејк Еванс, Кристијан Дворак и Тајлер Питлик.
Флорида и покрај поразот ќе влезе во доигрувањето како лидер, додека пировата победа на Монтреал не беше доволна за избегнување на самото дно.
