Мемфис Гризлис се последните четвртфиналисти на НБА, откако во првата фаза ги добија Минесота Тимбервулвс со вкупни 4-2.
На шестиот меѓусебен натпревар, Гризлис славеа со 106-114 на гостински терен и ја завршија сезоната на своите ривали.
Во неизвесен меч, Минесота имаше десет поени предност во пресрет на последната четвртина, но Мемфис успеа да се врати во финишот.
Дабл-дабл од победничките редови запишаа Џа Морант (17 поени и 11 асистенции), Брендон Кларк (17 поени и 11 скокови) и Џерен Џексон (18 поени и 14 скокови), а поефикасни од нив, со по 23 поентирања, беа Десмонд Бејн и Дилон Брукс.
На спротивната страна, најрасположени во офанзивата беа Ентони Едвардс со 30 и Џејден МекДаниелс со 24 кошеви.
Во четвртфиналето, Мемфис ќе се соочи со Голден Стејт Вориорс, кои ги елиминираа Денвер Нагетс со 4-1.
