На денешната трка на 30 километри од Светскиот куп во крос-кантри, Терезе Јохауг (1:19:22,8) триумфираше на домашен терен во Осло (Норвешка).
Воедно, за Јохауг, ова беше последен настап во својата кариера, кој беше испратен со огромни емоции од навивачите.
Јохауг е легенда на светското крос-кантри со 81 победа во Светскиот куп, со 148 поединечни подиуми, со 6 олимписки медали и со 14 злата од Светските првенства.
Второто место го освои финската скијачка, Криста Пармакоски (+19,4), која го избори најдобриот пласман во тековната сезона.
Во битката за најниското место на пиедесталот, Јона Сундлинг (+32,3) ги натскија Керту Нисканен (+33,8) и Катарина Хених (+34,7), а под една минута заостануваше уште Тереза Штадлобер (+46,7).
