Актуелните двократни шампиони во низа на НХЛ, Тампа Беј Лајтнинг, ја отворија новата сезона со пораз од 2-6 од страна на Питсбург Пенгуинс.
Во воведните минути на втората третина од мечот, ,,Пингвините” постигнаа два брзи погодоци преку Дентон Хајнен и преку Брајан Бојл за водство од 0-2.
Во средината на третиот период, Доминик Симон стрелаше за 0-3, а три минути подоцна, Ентони Сирели, намали на 1-3.
Голот на Канаѓанецот им внесе надеж на Лајтнинг, кои до крајот продолжија да играат со промена на формацијата, односно со вадење на голманот во замена за вишок играч во поле.
Ваквата тактика им донесе само уште еден погодок, кој беше дело на Алекс Килорн, а во спротивно се покажа како неуспешна со оглед на фактот дека хокеарите на Питсбург, односно Теди Блугер, Иван Родригес и Брајан Раст, вкупно трипати ја затресоа празната мрежа.
