Во четвртото коло од новата НРЛ сезона, Вестс Тигерс беа на прагот од првата компетитивна победа во 2022.
Сепак, ,,Тигрите” попуштија во самиот финиш и загубија од Голд Коуст Титанс со 8-6 по четврт пат на меѓусебните дуели во низа.
Во 38. минута, Титанс поведоа преку пеналот на Тоби Секстон, но две минути подоцна, Тигерс израмнија со прецизниот шут на Лук Брукс.
Во 68. и во 76. минута, Брукс уште двапати беше прецизен за водство од 2-6 на гостите, но во завршните мигови, израмнување, односно победа за Голд Коуст, донесоа Александер Бримсон со неочекуван есеј и гореспоменатиот Секстон со успешна конверзија.
Со натпревар повеќе во однос на конкурентите, Голд Коуст изби на шестото место, додека Вестс Тигерс останаа на самото дно.
