Во првиот меч од третото коло од новата АФЛ сезона, актуелните вицешампиони, Вестерн Булдогс, го запишаа првиот триумф.
Имено, на ,,Марвел Стадиум” во Мелбурн, првиот овосезонски пораз го запишаа Сиднеј Свонс, кои загубија од Булдогс со (9.17) 71-60 (9.6).
Булдогс водеа од самиот старт и рутински ја држеа предноста на своја страна и покрај неизвесноста во самиот финиш.
Од победничките редови, хет-трик постигна Коди Вајтман (3.0), а по осум поени додадоа Арон Нотон (1.2) и првиот пик од 2020 – Џамара Угл-Хаган (1.2).
На спротивната страна, најефикасни беа Ленс ‘Бади’ Френклин (2.1) и Вил Хејвард (2.2).
На табелата, со натпревар повеќе во однос на конкурентите, Сиднеј го зазема шестото, а Вестерн Булдогс – тринаесеттото место.
