Минатата сабота, 26 март 2022, беше одржана првата улична трка во Кочани во организација на атлетскиот клуб Ротари Кочани-Виница.
На ноќната програма во градот од источна Македонија беа две натпреварувања – на пет и на десет километри.
По победата во Кавадарци само една недела претходно, новинарот на ,,Јави се јужна”, Атанас Епов, повторно се искачи на првото место на пократката трка со време од 17:14 минути.
Второто место го зазеде Стефан Грнчаровски (17:58), третопласиран беше Столе Ангеловски (18:06), а пиедесталот за само три секунди му побегна на Ристо Чалков (18:09).
Во женска конкуренција, првите три места ги зазедоа Тамара Попов (21:17), Катерина Јовановска (23:08) и Цеца Србова (23:16).
На десет километри, кај мажите, подиумот го комплетираа Жан Тосев (34:50), Валентино Трајчевски (35:14) и Мартин Трајановски (35:35).
Кај дамите, најбрзи беа Ана Шикоска (45:25), Жанета Богатиновска Илиева (45:43) и Марија Пеликон (45:50).
