Петтото натпреварување од новата сезона на Светскиот куп во ски скокови во машка конкуренција го донесе и петтиот различен победник за првпат после 1996/97.
Имено, Висла нè навикна на изненадувања поради фактот дека неколку скокачи ги остварија првите победи токму во овој полски ски-центар.
Ист беше случајот и денес, откако Австриецот Јан Херл, кој беше неочекуван победник на квалификациите, славеше со најдобар скок и во двете серии.
На втората позиција се најде Мариус Линдвик, додека третопласиран беше најтрофејниот активен австриски претставник – Штефан Крафт.
Најдолги скокови од 128, од 128,5 и од 129 метри имаа Словенецот Ловро Кос, Швајцарецот Килијан Пајер и Норвежанецот Роберт Јохансон, кои завршија од осмото до десеттото место.
Помеѓу нив и пиедесталот завршија уште: Карл Гајгер, Маркус Ајзенбихлер, Цене Превц и Пиус Пашке.
