Питсбург Пенгуинс ја оправдаа фаворитската улога против Аризона Којотес, совладувајќи ги со резултат од 1-4.
Во третата минута од втората третина, Каспери Капанен го отвори резултатот, а девет минути подоцна, за Којотес израмни Клејтон Келер.
,,Пингвините” дојдоа до конечниот триумф со ,,блицкриг” во последните осум минути, кога трипати ја затресоа мрежата на Скот Веџвуд.
Двоен стрелец за победничкиот состав беше Сиднеј Кросби, а еднаш прецизно погоди и Русинот Евгени Малкин.
Во Источната конференција, Питсбург скокна на третото место, додека Аризона е претпоследен тим на Западот.
