Дванаесеттата сезона на австралиската Биг Баш Лиг во Т20 крикет денес ја имаше својата кулминација.
Имено, екипата на Перт Скорчерс ја одбрани титулата од минатата година и ја освои круната по петти пат во клупската историја.
Во финалето, претставниците на Западна Австралија ги совладаа Бризбејн Хит со 178/5 (19.2) – 175/7 (20).
Од победничките редови, капитенот Ештон Тарнер постигна 53 поени, а по два викети освоија Џејсон Берендорф (2-26) и Кели Метју (2-37).
Во поразените редови, најефикасни беа Нејтан МекСвини (41) и Сем Хезлет (34), а најдобар фрлач беше Метју Кунеман (1-28).
