Второто коло од новата НРЛ сезона беше отворено со триумфот на Пенрит Пантерс од 16-10 над Саут Сиднеј Рабитохс.
Имено, во моментот и двете екипи имаат половичен учинок со тоа што ,,Зајаците”, во првата рунда, беа подобри од Кронула Шаркс (18-27), а актуелните шампиони сензационално загубија од Бризбејн Бронкос (12-13).
Овој натпревар се состоеше од две серии при кои Пантерс поведоа со 16-0, а во последните тринаесет минути, гостите го намалија својот дефицит.
За Пенрит, по еден есеј постигнаа Стивен Крајхтон (3′ + една конвенција), Изак Таго (39′) и Брајан То’о (52′), а Нејтан Клери погоди еден пенал.
На спротивната страна, Латрел Митчел имаше 1/2 прецизни конвертирања, а по едно положување обезбедија Алекс Џонстон (67′) и Ајзеа Тас (79′).
