Синоќа, во Бафало, Њујорк, беше одржано 59. издание на драфтот на НХЛ, кој порадипротоколите за КОВИД-19 се одвиваше онлајн.
На него, првиот пик го имаше екипата на Бафало Сабрес, која го селектираше Овен Пауер.
Канаѓанецот, кој игра во одбрана, има само 18 години, а минатата сезона ја помина во дресот на универзитетот Мичиген, каде што на 26 настапи забележа 3 погодоци и 13 асистенции во Б10 Конференцијата.
Вториот пик беше во сопственост на новиот клуб, Сиетл Кракен, кој се одлучи за соиграчот на Пауер – Мети Бренирс.
Третата селекција беше искористена од Анахајм Дакс за Мејсон МекТевиш, кој во 2020/21 ги бранеше боите на швајцарскиот Олтен.
Највисоко избраниот Европеец беше Швеѓанецот Симон Едвинсон, кој како шести пик, од шведската Фролунда, се пресели во Детроит Ред Вингс.
