Чикаго Кабс ја запишаа втората победа на последните шест натпревари, откако синоќа ги совладаа Аризона Дајамондбекс со 8-3.
За гостите, ова беше прв пораз после 17 јули, кој ја прекина серијата од четирите последователни триумфи.
Кабс ја завршија работата уште во првата половина од мечот, поведувајќи со капитални 7-0 после четири ининзи.
За поразениот состав, одговорен удирач за сите поени беше Долтон Варшо, кој еднаш забележа хоум-ран и еднаш им овозможи трчање на Давид Пералта и на Павин Смит.
Од друга страна, хоум-ран за Кабс постигнаа Хавиер Баез и Робинсон Чиринос (х2), а во листата на поентерите се запишаа уште Крис Брајант, Ентони Рицо (х2) и Мет Дафи.
Од фрлачите на домаќините, солиден беше Зек Дејвис, кој за 5.1 ининзи направи осум страјк-аути и дозволи два противнички поени.
На табелата на Националната лига, Кабс (48-50) ја заземаат десеттата позиција, додека Аризона (30-69) се наоѓа на самото дно.
