Во рамките на првото коло од втората фаза на Еврокупот, Партизан, на домашен терен, ја декласира екипата на Тренто со убедливи 71-43.
,,Црно-белите” водеа во текот на цел натпревар, а клучен елемент за триумфот беше одличната одбрана, којашто, во втората четвртина, ги лимитираше Италијанците на само четири постигнати поени.
Најефикасен на паркетот беше Џакори Вилијамс од поразениот состав со постигнати 15 поени.
Кај Партизан, најпрецизен беше Вил Мозли со 12 поени, со 7 скокови и со 4 блокади. Освен него, двоцифрен беше и неговиот сонародник, Џош Перкинс, кој дебитираше за белградскиот клуб со 11 кошеви, со 5 скокови и со 6 асистенции.
Во групата Ф, освен денешните ривали, играат уште Левалуа и Локомотив Кубан.
📸 KK Partizan NIS
