По двете овосезонски градски дербија на Атина, кои завршија со реми (1-1, 0-0), Панатинаикос успеа да го совлада Олимпијакос.
Имено, во триесеттото коло на грчката Супер лига, ,,Зелените” го совладаа лутиот ривал со 2-0 и му го нанесоа првиот пораз после два месеци.
На мечот, номиналните домаќини дојдоа до двојно водство уште во првото полувреме преку Андраж Шпорар (28′) и преку автоголот на Јусеф Ел Араби (36′).
На табелата, Панатинаикос го зазема второто место поради послабата гол-разлика од АЕК, иако и двете екипи имаат по 69 поени на шест кола пред крајот.
Од друга страна, надежта сè уште постои и кај ,,Црвено-белите”, кои се третопласирани со шест бода заостаток.
