Заостанатото дерби од шестото коло од грчката Супер Лига помеѓу ПАОК и Олимпијакос беше одиграно денес на популарниот стадион ,,Тумба” во Солун.
Натпреварот заврши со конечно реми од 1-1, иако ПАОК во целост го надигра ривалот од Пиреја.
Во првото полувреме немаше голови, а резултатот го отвори Сверир Инги Ингасон (51′), кој со третиот овосезонски погодок им донесе водство на домаќините.
Во продолжение, после нафрлена топка, конечниот резултат го постави Усејну Ба (77′) со дебитантскиот лигашки гол во дресот на Олимпијакос.
Со новиот бод, ,,црвено-белите” останаа единствен непоразен состав во лигата и со тоа го задржаа своето водство. Од друга страна, ПАОК е на третата позиција со десет бодови заостаток во однос на денешниот ривал.
📸 PAOK FC
