Во првиот денешен натпревар од единаесеттото коло од тековната НРЛ сезона, силите ги одмерија Њукасл Најтс и Кантербери Булдогс.
На „МекДоналд Џонс Стадиум“ во Њукасл, до изненадувачка победа од 12-18, дојде потполно аутсајдерската екипа на Кантербери Булдогс.
За Булдогс, ова беше прва победа после седум натпревари односно прва победа после 8 јуни кога беа подобри од Ст. Џорџ Илавара со 22-2 и вкупно втор триумф сезонава.
Клучен елемент за оваа победа беше серијата од 0-18 до педесеттата минута преку есеите на Толман, Фаитала-Маринер и Аверило, како и дополнителните три конверзии на последниот поентер на Булдогс.
Во период од десет минути, Њукасл постигна два есеи (Хант и Матаутиа) и две конверзии (Понга х2), но тоа не беше доволно за да се избегне четвртиот овосезонски пораз.
На табелата, после единаесет кола, Њукасл ја зазема шестата позиција, додека Кантербери останува последнопласиран.
Во другиот денешен дуел, се соочија Голд Коуст Титанс и Пенрит Пантерс каде што Пенрит славеше со 14-22 и се врати на врвот на табелата.
