Јубилејното 150. издание на најстариот грен-слем турнир во голф, Опен Чемпионшип, заврши на фантастичен начин за австралиските навивачи.
Имено, на ,,Олд Курс” во Ст. Ендрус (Шкотска), претставникот на најмалиот континент, Камерон Смит, дојде до конечен триумф и до својата прва грен-слем титула во кариерата.
Австралиецот беше водечки после два дена, но драстично потфрли во третата рунда.
Сепак, во последниот ден, 28-годишниот голфер од Бризбејн покажа неверојатен карактер и со учинок од (-8) дојде до конечни (-20), доволни за триумф.
Дебитантот на Опен Чемпионшип, Камерон Јанг (-19) успеа да дојде до второто место, оставајќи го зад себе фаворитот Рори МекИлрој (-18).
Северноирецот беше на челото после три дена и го држеше водството до последните три дупки, но го загуби поради погодените 16/18 парови.
Друштво на врвот на МекИлрој после три рунди му правеше Норвежанецот Виктор Ховланд (-14), кој накрај ја подели четвртата позиција со најдобриот домашен натпреварувач – Томи Флитвуд (-14).
Во првите десетмина се пласираа уште пет Американци, односно Брајан Хармен (-13), Дастин Џонсон (-13), Брајсон ДеШамбо (-12), Џордан Спит (-12) и Патрик Кентли (-12).
