Во првиот меѓусебен дуел во историјата, одигран во петтото коло од Националната лига, Доркинг Вондерерс го порази Нотс Каунти со 3-1.
Станува збор за натпревар помеѓу најмладиот и најстариот клуб од првите пет англиски лиги: Доркинг е основан во 1999, а Нотс Каунти во 1862.
Имено, херој на домашниот состав, кој ја запиша втората победа во низа, беше Џејмс МекШејн.
Англичанецот изби на второто место на листата на стрелците со денешниот хет-трик (19′, 90′, 90+5′), кој го донесе до цифра од осум овосезонски погодоци.
Единствениот поефикасен фудбалер од него во петтата лига е Мекоули Лонгстаф од Нотс Каунти.
Сепак, за клубот од Нотингем, наместо Лонгстаф, на денешната средба стрелаше само неговиот соиграч од редовите на Гејтсхед – Седвајн Скот.
На табелата, Доркинг изби на единаесеттата позиција, спуштајќи го Нотс Каунти на четвртото место.