Екипата на Питсбург Пиратес, на домашниот „ПНК Парк“, синоќа ја пречека екипата на Милвоки Бруерс во четвртиот дивизиски дуел од централната дивизија на Националната Лига во МЛБ.
Бруерс очајно го започнаа натпреварот и веќе по седмиот ининг губеа со 5-1. Истиот резултат остана активен и после осмиот ининг. Во пресрет на провизорно последниот деветти ининг, шансите на Милвоки за пораз беа дури 98,2%. Сепак, претставниците на Висконсин ја консолидираа играта во клучните моменти и го завршија регуларниот меч со резултат од 5-5.
Во двата додатни ининзи, Бруерс стигнаа до победата од вкупни 6-5 и го комплетираа најголемиот пресврт сезонава. За нив, ова беше седми натпревар во историјата, а воедно и прв после 2004, кога победиле, а притоа губеле со четири или повеќе разлика во деветтиот ининг.
