Двајца млади талентирани тенисери, Денис Шаповалов и Јаник Синер, ги одмерија силите во првата рунда на овогодинешниот Аустралиан Опен.
Накрај, после четири часа игра, Шаповалов успеа да триумфира со 3-2 во сетови.
Синер го доби првиот сет со 3-6, а во продолжение, Канаѓанецот направи пресврт, освојувајќи ги наредните две партии со 6-3 и со 6-2.
Во моментот кога се чинеше дека Шаповалов лесно ќе триумфира со 3-2, Синер го врати брејкот и го освои четвртиот сет со 4-6.
Во решавачката партија, Шаповалов направи брејк уште во првиот гем и предноста ја пренесе до самиот финиш за конечни 6-4, односно 3-2.
Во втората фаза, Шаповалов ќе се соочи со Бернард Томич, кој денес одигра само два сета против Јуичи Сугита и победи откако Јапонецот го предаде мечот.
📸 Mark Metcalfe/Getty Images