Во дербито на денот во НБА лигата, Милвоки Бакс славеа над ЛА Лејкерс со резултат од 97-112.
Во текот на првото полувреме, двете екипи ја менуваа предноста, додека во вториот дел, Бакс константно водеа со двоцифрена разлика.
Накрај, најефикасен кошаркар на паркетот беше Џру Холидеј (Милвоки) со 28 поени, а од неговите соиграчи, дабл-дабл уфрли Јанис Антетокумбо (25 поени и 10 скокови).
Кај Лејкерс, во отсуство на ЛеБрон Џејмс, со 19 постигнати кошеви, најмногу се истакна Монтрезл Херел.
Во овој момент, Бакс (30-17) се трети на Истокот, додека Лејкерс (30-18) ја држат четвртата позиција на Западот.
📸 Andrew D. Bernstein/NBAE via Getty Images
