Со синоќешната победа од 133-127, Милвоки Бакс стигнаа до десеттиот последователен меѓусебен триумф против Сакраменто Кингс.
Сакраменто подобро влезе во дуелот, но од втората четвртина, домаќините го презедоа водството и го контролираа до самиот крај.
Во отсуство на Јанис Антетокумбо, најефикасни кај Милвоки беа Крис Мидлтон и Џру Холидеј со 34, односно со 26 поени.
На спротивната страна, Тајрис Хелибартон имаше дабл-дабл од 24 поени и од 12 асистенции, а попрецизен беше само Херисон Барнс со 29 кошеви.
Во Западната конференција, Сакраменто (18-30) се наоѓа на дванаесеттата позиција, додека Милвоки (30-19) е четврт на Истокот.
