Во првиот меч од четвртото коло од новата АФЛ сезона, Мелбурн Демонс ги декласираа Порт Аделаид Пауер со (4.12) 36-68 (10.8).
Актуелните шампиони ги наредија работите во своја корист во последните десет минути од втората четвртина, кога направија серија од 32-0.
За Демонс, денешната победа беше вкупно единаесетта по ред што претставува втора најдолга низа во клупското постоење.
Исто така, овој тим влезе во две последователни сезони со четири победи за првпат после 1955 и 1956.
Од друга страна, Порт Аделаид е оформен во 1870 година, а на денешниот натпревар, за првпат во историјата, не постигна ниеден гол во првото полувреме.
Прв од домашните редови што донесе шест поени беше Ден Хјустон (1.1) на четири минути пред крајот на третиот квартал, а во продолжение, гол додадоа уште Митч Џорџијадес (1.0) и Стивен Мотлоп (2.0).
На спротивната страна, најефикасни поединци кај Мелбурн беа Бејли Фритч (3.0) и Џејмс Хармс (2.0), а Макс Гоун (1-1) одигра маестрална партија низ секој дел од теренот.
На табелата, Демонс останаа на врвот со максимален учинок, додека Порт Аделаид е еден од трите тимови, кој сè уште нема победа, заедно со Есендон Бомберс и со Вест Коуст Иглс.
