За првпат после 2018, екипата на Трактор одигра дуел од конференциското финале на КХЛ во Чељабинск.
Имено, ,,Мечките” денес загубија на домашен терен од Металург Магнитогорск со 1-2.
Домаќините поведоа во втората третина преку Никита Тертишни, кој беше единствен што успеа да го совлада голманот Васили Кошечкин.
Сепак, во средината на третиот период, Металург направи пресврт во интервал од две минути, благодарение на Јарослав Хабаров и на Николај Голдобин.
Меѓусебната серија после три одиграни натпревари изнесува вкупни 2-1 во корист на Металург.
