Светското првенство во ски скокови во женска конкуренција заврши денес со натпреварувањето на големата скокалница (ГС 137) во Оберстдорф, Германија.
До титулата, со скоковите од 128, односно од 130,5 метри, дојде Норвежанката Марен Лундби, која го освои своето второ светско злато во кариерата.
Неможноста да се сноси со притисокот на големите настани уште еднаш ѝ наштети на Сара Таканаши.
Имено, Јапонката имаше одличен скок од 134 метри во втората серија, но мораше да се задоволи со сребрениот медал.
За неа, ова е четврти индивидуален медал од Светските првенства, кој и понатаму ја остава без злато и покрај тоа што важи за една од најуспешните ски скокачки во историјата.
Словенија повторно освои одличје во Оберстдорф, откако денес, на третото место се искачи Ника Крижнар.
Победничката на вчерашните квалификации, Марита Крамер, заврши на четвртата позиција, а пласманот во топ 5 го комплетираше Силје Опсет.
Новата шампионка на малата скокалница, Словенката Ема Клинец, потфрли во првата серија и накрај, со скокот од 139,5 метри, успеа да дојде до шестото место.
📸 Franz Kirchmayr/SEPA.Media /Getty Images
