Во периодот од 7 до 23 јануари, во Хоптон-он-си (Англија), се одржа 44. Светско првенство во боулс.
Истото беше затворено со денешното финале во машка поединечна конкуренција во кое, Лес Гилет го совлада Пол Фостер со 2-1 (8-7, 4-12, 2-1).
За Англичанецот, ова беше вкупно втора светска индивидуална титула, односно прва после 2017.
Во машките парови, Стјуарт Андерсон и Дарен Барнет беа подобри од бранителите на титулата, Марк Доус и Џејмс Честни, за втората заедничка круна.
Шкотланѓаните, во финалето, беа подобри од англиското дуо со вкупни 2-1 (9-6, 7-11, 2-0).
Кај дамите, Катерин Реднал беше убедлива против Алисон Мериен со 2-0 (13-2, 14-2).
Сепак, Мериен и новиот машки вицешампион, Фостер, заминаа и со злато од Англија, освојувајќи го првото место во мешани парови – во последниот меч ги надиграа Сандра Бејли и Марк Доус со 2-1 (8-10, 9-6, 2-0).
