Земајќи ги предвид сите натпреварувања (заедно со минатата сезона и подготвителните средби), ЛА Лејкерс имаат серија од девет порази при кои се водат како домаќини.
Синоќа, по вторпат во новата сезона, ,,Езерџиите” загубија во Лос Анџелес, во меч во кој Феникс Санс славеа со 105-115.
Мечот беше неизвесен сè до крајот на првото полувреме, а оттогаш Санс стекнаа двоцифрена предност, која достигна и до максимални +32.
Од домашниот состав, Ентони Дејвис (22 поени и 14 скокови) и Расел Вестбрук (15 поени и 11 скокови) запишаа дабл-дабл, додека најефикасен беше ЛеБрон Џејмс (25 кошеви).
Кај Феникс, две двоцифрени статистики имаше Крис Пол (23 кошеви и 14 асистенции), а Девин Букер (22) и Мајкл Бриџес (21) ја надминаа бројката од 20 поени.
После две одиграни средби, Лејкерс имаат учинок од 0-2, додека Санс се половични со 1-1.
