Во рамките на синоќешната НБА програма, актуелните шампиони, ЛА Лејкерс, рутински славеа над Минесота Тимбервулвс со резултат од 137-121.
Бројките на семафорот и предноста во првите три третини варираа во континуитет, сè додека ,,Езерџиите” не ја презедоа контролата во последните петнаесет минути игра.
Од поразениот состав, најефикасни беа Ентони Едвардс и Карл-Ентони Таунс со по 29 поени, а Рики Рубио запиша дабл-дабл од 19 кошеви и од 12 асистенции.
Што се однесува до противничкиот табор, Монтрезл Херел и ЛеБрон Џејмс имаа по 25 поени, но Џејмс уфрли дополнителни 12 скокови и 12 асистенции за вкупно 99. трипл-дабл во кариерата.
На табелата на Западот, Лејкерс (27-13) се трети, додека Минесота (9-31) е убедливо на дното.
📸 Adam Pantozzi/NBAE via Getty Images