Синоќа, луд меч беше одигран во ,,Бол Арена” во Денвер, каде што Колорадо Аваланш славеа над Анахајм Дакс со 8-4.
После првите дваесет минути игра беше незамисливо Колорадо да триумфира бидејќи Анахајм замина на пауза со 2-4.
Стрелци за ,,Патките” беа Трој Тери, Дентон Хајнен, Адам Енрик и Дерек Грант, додека од домашниот состав погодија Андре Бураковски и Назем Кадри.
На почетокот на вториот период, наместо Хантер Миска, на голот на Аваланш застана Филип Грубауер, кој до крајот ги одбрани сите петнаесет противнички удари.
После четириесет минути игра, Колорадо дојде до резултатски егал со вториот гол на мечот на Бураковски и со првиот на Мико Рантанен.
Во третата третина, во листата на стрелците се запишаа уште четири останати хокеари, односно Нејтан МекКинон, Самуел Жирар, Пјер-Едуард Белмар и Брендон Саад.
Со четвртата победа во низа, Аваланш дојдоа до третото место во Западната дивизија, додека Анахајм го држи самото дно.
📸 Matthew Stockman/Getty Images
