Во увертирата на седмото коло од италијанската Серија А, Лече ја запиша првата овосезонска победа.
Претставниците на регионот Апулија триумфираа со резултат од 1-2 на гостувањето кај Салернитана.
Во завршницата на првото полувреме, Асан Сиси (43′), со вториот гол во дресот на Лече, му донесе почетна предност на својот тим.
После десет минути од вториот дел, домаќините израмнија со автоголот на Хоан Гонзалез (55′), но сепак го загубија натпреварот.
Кобен по фудбалерите од Салерно беше Габриел Стрефеца (83′), кој се врати од повреда и реализираше како џокер од клупата после само пет минути поминати на теренот.
На табелата, Салернитана остана на десеттото место, додека Лече скокна на четиринаесеттата позиција со натпревар повеќе во однос на конкурентите.
