Лара Гут-Бехрами ја запиша третата победа во тековната сезона, откако победи на последниот супервелеслалом.
Имено, Швајцарката (1:26,70) беше најбрза на последното натпреварување во брзинските дисциплини за 2022/23, одржано во Солдеу (Андора) и го доби малиот кристален глобус.
На втората позиција се искачи Италијанката Федерика Брињоне (+0,22), а третопласирана, воедно и последна со заостаток под половина секунда, беше Рагнилд Мовинкел (+0,47).
Солидниот ден за Швајцарија го заокружија Корин Сутер (+0,55) и Мишел Гизин (+0,82), пополнувајќи го пласманот во топ 5.
