Светското првенство во фристајл скијање во дисциплината могулс се одржа денес во казахстанскиот Алмати.
Во женска конкуренција, Французинката Перин Лафонт (82,11) ја продолжи својата доминација, победувајќи на сите овосезонски натпреварувања.
Освен неа, медали освоија уште Јулија Галишева (79,52) и Анастасија Смирнова (79,41), а од големото финале, без подиум останаа Џакара Ентони (77,40), Хинако Томитака (76,45) и Каи Овенс (без резултат).
Кај мажите, до петтото светско злато во кариерата дојде Канаѓанецот Микаел Кингсбери (87,36), кој беше првопласиран и после првата серија.
Во битката за сребро, Французинот Бенжамин Каве (82,43) го доби Казахстанецот Павел Колмаков (82,23), кој ја израдува домашната публика.
Од друга страна, пласманот од четвртото до шестото место го комплетираа Никита Новицкиј (81,34), Дмитриј Реихерд (78,47) и Лорен Диме (56,05).
📸 Gregory Shamus/Getty Images