Седмото коло од италијанската Серија Б беше отворено со третата последователна домашна победа на Козенца над Комо.
Имено, претставниците на јужна Италија ги совладаа своите ривали од Северот со резултат од 3-1 на ,,Стадио Сан Вито”.
Козенца имаше предност од 2-1 после првиот дел, откако, во интервал од десет минути, Кристијан Д’Урсо (31′) и Микеле Риџоне (37′) стрелаа за домаќините, а Лука Вињали (41′) погоди за гостите.
Во второто полувреме, поразениот состав остана со десетмина на теренот поради вториот жолт картон на Луис Бинкс (82′), а само три минути подоцна, Андреа Мерони (85′) го постави конечниот резултат.
На табелата, Козенца скокна на петтото место, а Комо остана на деветнаесеттата позиција.
