Екипата на Комори е еден од двата дебитанти на триесет и третото издание на Африканскиот куп на нации, заедно со Гамбија.
Островската држава денес го одигра својот прв меч на континенталниот собир, на кој беше поразена со 1-0 од фаворизираниот Габон.
Стрелец на единствениот погодок на мечот беше Арон Бупендза (16′), кој го совлада голманот Али Ахамада од мртов агол.
Овој дуел беше привлечен за љубителите на Црвена Ѕвезда, бидејќи на теренот се соочија два фудбалери од белградскиот клуб – Ел Фарду Бен (Комори) и Гелор Канга (Габон).
Вкупно пет од досегашните шест дуели на првенството завршија со 1-0, вклучувајќи ги сите четири денешни средби, на кои, освен Габон, победи изборија уште Сенегал, Мароко и Гвинеја.
Во групата Ц, Габон и Мароко го делат првото место со по три поени, а Комори и Гана остануваат на нула бодови после првото коло.