“Музиката е тоа се што ни треба. Тоа беше мотото уште од средно училиште. Кога сите носеа книги во ташните јас го носев списанието ЏУБОКС. Долга коса, траперки заштитен знак …Хипи време, Рок музика, слушајќи ноќни програми најповеќе италијански се најдов себеси дека тоа што сакам да го правам е да бидам Ди-џеј.” – вака специјално за порталот www.javisejuzna.mk се потсетува на убавите времиња Славе Ќелешовски или попознат како Dj Crazy Slave. Најпознатиот македонски диск џокеј на сите времиња, но и организатор на многубројните концерти и забави во Струга и цела Македонија во минатото.
Шансата ми се пружи кога во организација на “Екран” почна манифестацијата Избираме Најдобар Ди-џеј во Македонија и тоа во Диско Турист – Скопје. Станав трократен победник на тие избори далечните 70-те .Така поцна мојот животен Диџеј-ски пат. Дискотеки, Младински, Јуниор ,Алга, Бисер, Градиште, Крани, Еуро хотел, Лагадин.
Во меѓувреме настапував како Ди-џеј со својата Патувачка Disco Expres во повеќе градови во Македонија и поранешна Југославија. Патувајќи често во поранешна Југославија имав можност да запознаам повеќе луѓе од естрадата со кои што почнав и соработка. Организирав концерти насекаде по Македонија со многу познати естрадни звезди: Црвена Јабука, Бајага и Инструктори, Галија, Бора Чорба, Рамбо Амадеус, Леб и сол, Меморија, Аки од Парни Валјак, Јелена Тинска, Викторија, Жељко Бебек, Масимо Савиќ, Зана Нимани, Ален Славица…. Списокот е долг и веројатно некои и сум заборавил да ги спомнам во моментов
Еден од концертите што се незаборавни е оној на Плави Оркестар во Струга Јануари далечната ’91. Беше тоа незаборавен (бесплатен) концерт за Стружани во центарот на Струга, пред Хотел Београд. Ете како куриозитет прв ја донесов денес мега популарната Цеца во Македонија која настапи и во Струга. Тоа беше промоција на нејзината прва касета “Цветак Зановетак”. Цеца тогаш беше средношколка која татко и Слободан ја возеше со едно црвено Југо.
Музиката сеуште е присутна во мојот живот. Така да и натаму сеуште настапувам како Ретро Ди-џеј на лето кога доаѓам во Македонија. Оние што сакаат може да ме пратат на facebook Slavé Kelesovski и на YouTube DjCrazySlave.
Голем поздрав од Мајами за читателите на порталот www.javisejuzna.mk од стружанецот Славе Ќелешоски (Dj Crazy Slave).
