Во фантастичната увертира на 37. коло од англискиот Чемпионшип, ВБА и Хадерсфилд ремизираа со резултат од 2-2.
Гостите од Јоркшир дојдоа до водство во 28. минута, кога Дени Ворд го блокираше дегажирањето на голманот Сем Џонстон.
Истиот играч, во 74. минута, се запиша во листата на стрелците по вторпат на мечот за предност од 0-2 на Хадерсфилд.
ВБА се врати во игра со голот од дискутабилно досудениот пенал на поранешниот ,,Териер”, Карлан Грант (84′), а веќе после шеесет секунди беше поставен и конечниот резултат.
На вкупни 2-2 израмни ветеранот Енди Керол (85′), кој во судиското продолжение спречи сигурен победоносен гол на ривалите, исфрлувајќи ја топката од самата гол-линија.
На табелата, Хадерсфилд остана на второто место, додека ВБА, со натпревар повеќе во однос на конкурентите, ја зазема дванаесеттата позиција.
