Во првото дерби на Даблин во 2022 година, Шамрок Роверс ги поразија ривалите Бохемианс со минимални 1-0.
Во рововска битка со вкупно девет упатени шутеви, актуелните шампиони на Ирска им го нанесоа првиот овосезонски пораз на избраниците на Кит Лонг.
Стрелец на единствениот погодок на натпреварот беше Рори Гафни (25′), кој се запиша во листата на стрелците за првпат сезонава.
Со овој загубен меч, Бохемианс паднаа на шестото место на табелата со пет поени и со гол-разлика од 4-4 после четири одиграни средби.
Од друга страна, Шамрок го зазеде врвот, но има натпревар повеќе во однос на два ривали што можат да го претекнат – Слајго Роверс и Дери Сити.
