Колорадо Аваланш ,,прокоцкаа” речиси сигурен пласман во полуфиналето на НХЛ, откако синоќа загубија со 4-5 од Ст. Луис Блус после продолжение.
При водство од вкупни 3-1, Колорадо имаше и предност од 3-0 на средината на петтиот меѓусебен натпревар.
Блус успеаја да израмнат на 3-3, а во последните три минути од регуларниот дел, двете екипи постигнаа по еден погодок за изборување на продолжение.
Во дополнителниот период, херој на гостинскиот состав беше Тајлер Бозак, кој со голот после неполни четири минути, го задржа својот тим во игра за титулата.
Освен Бозак, за Ст. Луис стрелаа Владимир Тарасенко, Роберт Томас и Џастин Фолк.
На спротивната страна, Нејтан МекКинон направи хет-трик, а во листата на стрелците се впиша и Габриел Ландеског.
