Во осумнаесеттото коло од тековната АФЛ сезона, Колингвуд Мегпајс ги совладаа Аделаид Краус со (13.8) 86-91 (14.7).
За ,,Страчките”, ова беше осма победа во низа, која само ја потврди нивната одлична форма и ги однесе на петтата позиција на табелата, но поентерски ги израмни со лидерите Џилонг Кетс.
Аделаид го започна мечот со серија од 20-0, но во продолжение владееше резултатската неизвесност, која кулминираше со трилер-завршницата во последните две минути.
За поразениот состав, десет од вкупните тринаесет голови ги постигнаа Тејлор Вокер (5.1), Лахлан Марфи (3.1) и Дарси Фогарти (2.0).
Кај Колингвуд, двоцифрен број на поени имаа Ник Даикос (3.0), Еш Џонсон (2.1) и Брејди Мајочек (2.0), а Скот Пенделбури го одигра јубилејниот 350. натпревар во АФЛ.
Со овој пораз, Краус останаа на петнаесеттото место на табелата и практично ги загубија сите шанси за влез во плејофот.
