Во последниот натпревар од синоќешната МЛБ програма, Сан Франциско Џајантс ги поразија Милвоки Бруерс со 8-5.
После осум и пол ининзи, гостите од Висконсин водеа со 5-2, но домаќините приредија огромен пресврт во последниот период.
Имено, стартниот фрлач на Милвоки, Брендон Вудраф и неговите двајца наследници, Хоби Милнер и Жандел Густаве, одлично ја завршија својата работа, но целосно потфрли Џош Хејдер, кој го дозволи пресвртот.
Во последната деветтина, Џајантс постигнаа два поединечни хоум-рани и еден грен-слем за да дојдат до втората победа над ,,Пиварите” на последните три меѓусебни дуели.
За Бруерс, во листата на поентерите се запишаа Колтен Вонг, Џонатан Дејвис, Кристијан Јелич, Вили Адамес и Ендру МекКачен.
Од друга страна, Џајантс ги добија поените преку Давид Виљар, Џои Барт (х2), Дерин Раф, Мајк Јастрземски, Остин Слејтер, Јермин Мерседес и Тијаро Естрада.
Во Националната лига, Милвоки (50-41) го држи петтото, а Сан Франциско (46-43) – осмото место.
