Англија во потполност ја оправда фаворитската улога во групата А и со максимален учинок избори пласман во нокаут-фазата на тековното Европско првенство во женски фудбал.
Имено, домаќинот го освои првото место во групата, запишувајќи три победи со вкупна гол-разлика од 14-0.
Во третото коло, ,,Лавиците” ги декласираа дебитантките на европскиот континентален собир, Северна Ирска, со резултат од 5-0.
Англија имаше целосна контрола на натпреварот, а во листата на стрелците се запишаа три различни фудбалерки од победничкиот состав.
Мрежата на Жакелин Барнс двапати ја затресе резервистката од клупата, Алесија Русо (48′, 53′), по еднаш реализираа Франческа Кирби (41′), Бетани Мид (45′), а автогол постигна Келси Бароус (76′).
Од групата А, во наредната фаза ќе оди и Австрија, а во својата татковина, освен Северна Ирска, се враќа и Норвешка.
