Јапонецот Рјоју Кобајаши, после трите титули од Светскиот куп и од Новогодишната турнеја, го освои и првиот медал во својата кариера на ЗОИ.
На денешното скокање на малата скокалница, Кобајаши освои злато со скоковите од 104,5 и од 99,5 метри, одбранувајќи ја предноста од првата серија.
На второто место се пласираше Австриецот Мануел Фетнер, кој изненадувачки дојде до само четвртиот индивидуален подиум во дваесетгодишната кариера во сите натпреварувања.
Од друга страна, со бронза се закити осмопласираниот после првиот скок, Давид Кубацки, чијшто најдобар резултат во тековната сезона беше тринаесеттото место.
Само половина поен зад него се пласираше Словенецот Петер Превц, а Евгениј Климов заврши како петти.
Во продолжение, пласманот од шестата до десеттата позиција го пополнија: Камил Штох, Мариус Линдвик, Данил Садреев, Тими Зајц и Штефан Крафт.
