По трите врзани порази со вкупна поен-разлика од 3-20, Детроит Тигерс се вратија на победничките патеки.
Имено, синоќа, ,,Тигрите” го добија вториот меч од меѓусебната серија со Кливленд Гардијанс на гостински терен со 2-4.
После четири ининзи, резултатот гласеше 2-2, а за да стигнат до триумф, гостите од Мичиген поентираа по еднаш во петтиот и во осмиот период.
За Гардијанс, стартниот фрлач, Шејн Бибер, освои десет страјк-аути, а поени постигнаа Амед Росарио и Џош Нејлор (хоум-ран).
Од противничкиот табор, топката на трибините ја однесе Хавиер Баез, а по четири бази освоија Роби Гросман, Џонатан Шуп и Такер Барнхарт.
И покрај триумфот, Детроит (14-26) остана на дното на Американската лига, додека Кливленд (17-20) го зазема деветтото место.
