Кливленд Браунс го затворија осмото коло од тековната НФЛ сезона, прекинувајќи ја низата од четири порази.
Имено, Браунс ги совладаа Синсинати Бенгалс со 32-13 и дојдоа до осмата меѓусебна победа на последните девет дуели.
Домаќините водеа во текот на цел натпревар, почнувајќи од втората четвртина, додека гостите ги постигнаа сите свои поени во четвртиот квартал.
Играта на Браунс се базираше на три играчи, кои запишаа тачдауни и одлични статистики – Џакоби Брисет (278 јарди од 17/22 обиди, еден тачдаун со додавање и еден со трчање), Ник Чаб (два тачдауни и 101 јард со трчање) и Амари Купер (еден тачдаун и 131 јард со фаќање).
На спротивната страна, во листата на поентерите влегоа Тајлер Бојд и Ти Хигинс, а квотербекот Џоу Бароу имаше 232 јарди од 25/35 додавања, два тачдауни и еден пресечен пас.
Во Американската конференција, Синсинати (4-4) падна на осмото место, додека Кливленд (3-5) скокна на единаесеттата позиција.
