Минатата сезона, Клифтонвил и Линфилд водеа борба за титулата на северноирскиот Премиершип сè до последното коло, после која, ,,Сините” се закитија со нов трофеј.
Сепак, синоќа во градското дерби на Белфаст, во рамките на деветнаесеттата рунда, Клифтонвил го возврати ударот и славеше со минимални 1-0.
Човек на одлуката за номиналните домаќини беше Ронан Доерти (12′), кој се запиша во листата на стрелците за првпат сезонава.
За Линфилд, ова беше прв лигашки пораз после 22 октомври, кој од второто, го симна на третото место на табелата.
Од друга страна, низата од четири триумфи на последните пет пресметки го искачи Клифтонвил на врвот, а помеѓу двата ривали се ,,протна” Ларн, кој има можност да ја преземе и првата позиција.
