На денешниот супервелеслалом во Венген (Швајцарија), убедлив настап имаше Александер Омодт Килде.
Имено, Норвежанецот (1:47,84) триумфираше по петти пат сезонава и го ,,расипа” славјето на домашната публика на целната линија.
Пред неговиот настап, Швајцарија имаше 1-2 победа во своите раце, но накрај Стефан Рожентан (+0,27) и Марко Одермат (+0,66) мораа да се задоволат со второто, односно со третото место.
За Рожентан, ова беше прв подиум во кариерата, додека Марко Одермат повторно освои значајни бодови и остана на првото место во генералниот поредок.
На четвртата позиција, со заостаток поголем од една секунда, се најде Винсент Крихмајер (+1,10), а пласманот во топ 5 го комплетираше Доминик Парис (+1,17).
