Од 2014 година, во календарот на англискиот крикет беше воведен еднодневниот Лондон Ројал Куп, кој се состои од вкупно сто оувери (по педесет и за двете екипи).
На овогодинешното осмо издание на овој турнир беше добиен и осмиот различен шампион, односно екипата на Кент.
Имено, во финалето, новите шампиони го поразија составот на Ленкашир со 306/6 (50) – 285/10 (48.4).
Во првиот ининг, најефикасни поединци беа капитенот Џоу Денли (78) и Џои Евисон (97), а од фрлачите на Ленкашир, по два викети имаа Том Бејли (2-46) и Лиам Хурт (2-64).
Во вториот дел, хет-трик од викети за Кент имаа Нејтан Гилхрист (3-65) и Грант Стјуарт (3-42), а по 72 поени за номиналните гости освоија Китон Џенингс и Стивен Крофт.
На патот до финалето, Кент ги порази Лестершир и Хемпшир, додека Ленкашир беше подобар од Нотингемшир и од Сасекс.
