Минатата сезона, Норт Мелбурн Кенгарус имаа само две победи и завршија на последното место на табелата на АФЛ.
Сепак, ,,Кенгурите”, предводени од новиот тренер, Алистер Кларксон, влегоа во новата кампања со триумф од (12.15) 87-82 (12.10) над Вест Коуст Иглс.
Главен протагонист во победата на претставниците на Мелбурн беше Ник Ларки (6.0), кој ги постигна половина од головите на својот тим.
Освен него, по два гола дадоа Пол Куртис (2.1) и Камерон Зурхаар (2.0), а успешно деби имаше третиот пик на драфтот – Хари Шизел (34 допири, 9 маркови).
Кенгарус водеа во поголемиот дел од натпреварот, стекнувајќи ја клучната предност во втората четвртина и достигнувајќи ги максималните +34 на стартот на третиот квартал.
До крајот, ,,Орлите” успеаја само да го намалат својот дефицит при што, во офанзивата, најистакнати беа Лиам Рајан (3.0), Оскар Ален (2.1) и Џемејн Џонс (2.0).
Во досегашниот дел од првото коло, со исклучок на ремито помеѓу Ричмонд Тигерс и Карлтон Блус, освен Норт Мелбурн, победа запишаа и Колингвуд Мегпајс, совладувајќи ги актуелните шампиони – Џилонг Кетс.
