Откако стартниот квотербек на Грин Беј Пекерс, Арон Роџерс, доби позитивен тест на КОВИД-19, неговото место го зазеде пикот од првата рунда во 2020 – Џордан Лав.
Во пресрет на деветтото коло, Пекерс имаа серија од седум врзани победи, но истата беше запрена од Канзас Сити Чифс, кои славеа со 13-7.
Домаќините постигнаа само еден тачдаун во првата четвртина преку Тревис Келси, а останатите поени дојдоа преку шутевите на Харисон Баткер.
На спротивната страна, во четвртиот квартал, Пекерс имаа одличен драјв, започнат од Деванте Адамс, а завршен од Ален Лазард и покрај пресеченото додавање на Ел’Џејриус Снид во меѓувреме.
Најголем трагичар за Грин Беј беше шутерот Мејсон Кросби, кој во првото полувреме промаши два филд-гола.
На своето овосезонско деби, Лав освои 190 јарди од 19/34 прецизни додавања што беше за нијанса подобро од учинокот на неговиот поискусен колега- Патрик Махоумс (166 јарди од 20/37 обиди за додавање).
За Канзас Сити (5-4), ова беше четврта победа над екипите од Националната конференција на исто толку натпревари сезонава, доволна за скок на единаесеттото место во АФК.
Во НФК, Грин Беј (7-2) ја дели втората позиција со ЛА Ремс, веднаш зад првопласираните Аризона Кардиналс (8-1).
Во соработка со НФЛ Македонија
